تربية الابناء من الصغر1

[ندعوك للتسجيل في المنتدى أو التعريف بنفسك لمعاينة هذه الصورة]


تربية الابناء من الصغر ديه محتاجة مواااااااقع علشان نتكلم فيها
بس هنلخص مع بعض كام نقطة


اول حاجة هلفت نظرك ليها
ان التربية ماتنسيش دور جوزك فيها
يعنى اللى هتكلم فيه مش دورك انتى بس


بصى ياقمر تربية ابنك بتبدأ من وهو عمره شهور
وماتقوليش ده لسه سنه صغير.. هو ده هيفهم ايه
لالالالالالا
مخ الطفل بيبقى عامل زى الكمبيوتر
كل تصرف بيتخزن فى دماغه وكل كلمة منك ومن اى حد حوليه
لو مش فاهم الموقف... بيحس بيه على الاقل
امال وهو لسه مولود ازاى بقى بيحس بحضنك وتانى شخص هو بيحس بيه الأب
فبالتالى اول افراد بيتعلم الطفل منهم... انتى ووالده
فلازم يبقى دورك انتى وجوزك يبقى العمود والأساس السليم اوى للتربية
بمعنى...
انتى دلوقتى تربية الطفل عاملة زى بناء العمارة
لو اساس العمارة سليم وشديد وعلى اسس سليمة
هتبقى مطمنة على العمارة فيما بعد لما تكبر وتعلى
لان العمارة لو اساسها سليم مفيش زلزاال هيهدها
ومش هتخافى لو شوية رياح او عواصف عدت عليها... لانها مش هتوقعها
ليه بقى...؟؟؟
لان اساسها سليم
على العكس لو العمارة ديه اساسها ضعيف.. وداخل فيه حجات فاسدة
اقل عاصفة هتهد العمارة اللى انتى بنتيها
يارب يكون المعنى ده وصل


دورك بقى فى الاول خالص انتى وجوزك بيبدأ من الاساس
من علاقتكوا انتوا الاتنين ببعض
بس معلش
هتكلم من اول الخطوبة علشان اللى لسه متجوزوش

من اول الخطوبة انتى وهو اتعلموا تقفلوا على مشاكلكوا اتعلموا بلاش الاصوات العالية فى وقت اى مشكلة لقدر الله


لان كده انتوا بتدمروا اولادكم فيما بعد



لانكوا بتتعاملوا ان فى فترة الخطوبة هما دبلتين



بعد كده بيبقى فى علاقة زوجية وبيت واسرة واولاد محتاجينك انتى وهو



ماينفعش يتربوا مع واحد بس منكوا



ومن اول سنة اولى جواز



مش بيبقى فى اطفال لسه



حصلت مشلكة بينك وبينه... ماتتكلموش فى المشكلة ولا تتخانقوا غير فى اوضة النوم وتقفلوا على نفسكوا



وصتكوا انتوا الاتنين يوطى



علشان تتعودوا مفيش خناق برة اوضة النوم ... علشان الولاد بعد كده مايتأثروش بمشاكلك انتى وهو





والزوج اللى بيضرب مراته... ديه صفارة انذار منى ليك





انت بتهد بيتك... حتى لو مراتك بتسكت على ضربك فيها... انت بتهد ولادك ... غير انك بتدوس على كرامة الانسانة اللى شايلة اسمك... يبقى انت بتدوس على كرامتك .. وانت قبل ما بتهين مراتك.. انت بتهين نفسك... وبتدمر ولادك... ولادك اللى حتة منك... امهم ازاى هتربيهم وهما شايفنها بتضرب.... الراجل المحترم اللى بيحترم نفسه... ونفسه ديه اللى هى مراته







الراجل باحترامه واخلاقه وحفاظه على بيته.. مش بعضلاته





اتعلموا تحترموا بعض حتى فى الهزار



يعنى ولا انتى تغلطى فيه ولا هو يغلط فيكى



لانك لما انتى مثلا تتعودي تقوليله اصلك انت ... وانت...



وهو يقولك انتى.. وانتى....



هتتعودوا على كده ولما تبقوا فى بيتكوا وعيالكم حواليكوا



اظن بايخ اوى لما ولد يشوف امه بتتشتم.. وهى بالنسبة ليه اللى بتعلمه الصح والغلط





ولا والده هيعاقبه ازاى وهو شايف مامته بتشتمه



صورة والده كده هتتهز فى عين ابنه او ابنته




وانا عارفة ان الهزار بين الاتنين المتجوزين مطلوب وماينفعش يبقى الحياة تنشن




بس ده بردوا يبقى فى اوضتهم



بعيد عن الاولاد



مش اى هزار بين الاتنين المتجوزين يبقى قصاد الاولاد



عادى تناكفوا فى بعض... ينكشك بكلمة او بحركة وتهزروا مع بعض عادى



لكن هزار عن هزار يفرق



بمعنى...



انتى تقدرى تقولى لجوزك اصلك انت... وانت...



قصاد امه او والده



طبعا ردك هتقولى لا مايصحش



بردوا مايصحش تقولى انت ... وانت... قصاد ولاده



وهو نفس الوضع ماينفعش يغلط فيكى قصاد ولادك





لازم الام والاب تفضل صورتهم جميلة فى عين ولادهم



ولازم يخدوهم مثال فى الاحترام وفى الحب والحنية





وده بيبان من معاملة الزوجين مع بعض قصاد ولادهم





ماينفعش الاب يقول لابنه اوعى تشتم وكده غلط.. وهو شايف ابوه بيشتم





هتقولى



يعنى هو فيها حاجة ان ابنى مثلا يلعب مع والده ويضربوا بعض



هقولك لا طبعا مفيش فيها حاجة



الشتيمة حاجة... وانه يهزر معاه ويضربوا بعض ديه حاجة تانية




وهزروا مع بعض انتى وجوزك وولادكوا





وخلوا فى جو مرح وجميل فى البيت



علشان ولا جوزك يزهق



ولا عيالك يجلهم اكتئاب من جو البيت



يارب تكونى فهمتى اللى اقصده فى النقطة ديه.....